Baba Hekuran Nikollari u nda papritur nga jeta mbrëmjen e djeshme, në moshën 61-vjeçare. Komisariati i Policisë së Përmetit ka bërë njoftimin e parë për mediat lidhur me këtë ngjarje duke dhënë edhe detaje. Sipas Policisë, Baba Hekurani është gjetur i vdekur rreth orës 22.00 të mbrëmjes së datës 3 shkurt në ambientet e teqesë së Alipostivanit.
Në trupin e tij nuk janë vërejtur shenja dhune dhe paraprakisht dyshohet se ka humbur jetën nga shkaqe natyrale.
“Pritet ekspertiza mjekoligjore për të përcaktuar shkakun e humbjes së jetës”, thuhet në njoftimin e Policisë.
Njoftimi i policisë:
Përmet/Më datë 03.02.2025, rreth orës 22:00, në vendin e quajtur “Teqeja e Alipostivanit”, është gjetur pa shenja jete dhe pa shenja dhune, shtetasi H. N., 61 vjeç, Baba i Teqes.
Nga veprimet e para hetimore dyshohet se ky shtetas ka humbur jetën nga shkaqe natyrale. Pritet ekspertiza mjekoligjore për të përcaktuar shkakun e humbjes së jetës.
Grupi hetimor vijon punën për sqarimin e plotë të rrethanave të rastit.
(BalkanWeb)
