Një javë më parë, një person në Fier kallëzoi në polici se i vëllai kishte humbur dhe nuk po e gjenin dot. Sipas familjarëve, ai ishte larguar me motor drejt Semanit dhe prej asaj dite nuk ishte kthyer më.
Në moshën 72-vjeçare, i moshuari Mihallaq Shqepa është gjetur sot pa jetë në Seman, por nga ekzaminimi paraprak, nuk ka shenja dhune. Trupi i tij ishte dekompozuar, kjo si shkak edhe i temperaturave të larta.
Njoftimi paraprak i policisë:
Në tokat e fshatit Sektor Seman, është gjetur i dekompozuar, trupi i pajetë i shtetasit Mihallaq Shqepa, 72 vjeç, banues në Fier.
Nga kqyrja paraprake, nuk janë konstatuar shenja dhune.
Ky shtetas është shpallur në kërkim në datë 12.07.2025, nga Komisariati i Policisë Fier, pas kallëzimit të bërë nga vëllai i tij për largim nga banesa.
Grupi hetimor po punon për përcaktimin e shkakut të vdekjes.
(BalkanWeb)
