Lindsay Lohan ka folur hapur për një periudhë të frikshme nga rinia e saj dhe se si ka ndikuar në mënyrën se si ajo po e rrit djalin e saj 2-vjeçar, Luai.
Në një intervistë të sinqertë me The Sunday Times , të botuar të shtunën, më 2 gusht, aktorja foli hapur rreth asaj se si ishte të rriteshe në qendër të vëmendjes në një kohë me akses të pakufizuar nga paparacët dhe mbikëqyrje pothuajse të vazhdueshme nga tabloidët.
“Nuk dua që familja ime të përjetojë kurrë ndjekjen nga paparacët ashtu siç e përjetova unë. Ishin momente të tmerrshme që kam përjetuar në jetën time kam PTSD në ekstrem nga ato gjëra. Situatat më invazive. Vërtet të frikshme. Dhe lutem që gjëra të tilla të mos kthehen më kurrë. Nuk është e sigurt. Nuk është e drejtë”, tha Lohan për mediat.
Lohan dhe Shammas, të cilët u lidhën për herë të parë në vitin 2020, u martuan në korrik 2022. Çifti mirëpriti djalin e tyre një vit më vonë, në korrik 2023.
Aktorja e “Freaky Friday” i tha The Sunday Times se mendon që epoka e mediave sociale i ka ndihmuar të famshmit e rinj të rimarrin rrëfimet e tyre personale dhe se kjo u lejon yjeve të ndajnë veten me fansat sipas kushteve të tyre.
«Ne nuk e kishim këtë. Por ajo që kam mësuar me kalimin e kohës është se si ta ndaj jetën time private nga ajo publike, dhe kjo ishte e vështirë për mua sepse askush nuk të mëson kurrë se si ta bësh këtë”, u shpreh aktorja.
Lohan luan në komedinë e ardhshme familjare “Freakier Friday” , një vazhdim i “Freaky Friday” të vitit 2003 , së bashku me Jamie Lee Curtis .
Edhe pse kanë kaluar më shumë se dy dekada që kur aktoret u shfaqën në ekran së bashku, Lohan i tha The Sunday Times se ajo dhe Curtis, 66 vjeç, kanë qëndruar “pothuajse vazhdimisht në kontakt” gjatë viteve.
(BalkanWeb)
