Darrell Sheets, i njohur për pjesëmarrjen e tij në emisionin e njohur televiziv Storage Wars, ka ndërruar jetë në moshën 67-vjeçare, sipas autoriteteve në shtetin amerikan të Arizona.

Policia e qytetit Lake Havasu City njoftoi se ai u gjet i pajetë në banesën e tij pas një telefonate emergjente për një person të vdekur. Sipas deklaratës zyrtare, Sheets dyshohet se ka humbur jetën si pasojë e një plage të vetëshkaktuar me armë zjarri në kokë.

Autoritetet konfirmuan se familjarët e tij janë njoftuar menjëherë dhe se ai është shpallur i vdekur në vendngjarje. Trupi i tij është dërguar për ekzaminim në zyrën e mjekësisë ligjore të qarkut Mohave County.

Hetimet mbi rrethanat e ngjarjes janë ende në zhvillim dhe policia ka bërë të ditur se detaje të tjera do të publikohen pas përfundimit të verifikimeve.

Sheets u bë i njohur për publikun amerikan përmes Storage Wars, ku ishte pjesë e kastit që nga viti 2010, duke u shfaqur në më shumë se 160 episode. Pas tërheqjes nga televizioni, ai jetonte në Arizona dhe kishte edhe një biznes antikesh të quajtur “Havasu Show Me Your Junk”.