SHBA-të raportohet se e kanë pranuar një marrëveshje të propozuar nga Irani, thuhet nga mediat shtetërore iraniane.

Agjencia e lajmeve Fars tha se marrëveshja, e arritur nga negociatorët, kishte qenë në tryezë për dy javë, por Donald Trump donte të shtonte kushte të reja.

Teherani tha se nuk do t’i shqyrtojë kushtet e reja, tha agjencia.

Sipas raportit, ndërmjetësuesit e Katarit ndërhynë dje, duke i thënë Iranit se SHBA-të kishin tërhequr kushtet e tyre shtesë.

“Në të njëjtën kohë me këtë tërheqje të dukshme të SHBA-së, Trump nisi një fushatë mediatike dhe retorikë kërcënuese për të provuar të linte të kuptohej se Irani ishte tërhequr nën presionin e bombardimeve.

“Sigurisht, duket se duke qenë se SHBA-të e kanë pranuar tekstin e propozuar nga Irani, ekziston mundësia e rishqyrtimit të këtij teksti.”