Një anije është goditur nga një municion i pashpërthyer rreth 18 milje detare në lindje të Khasabit, në Oman, duke shkaktuar një zjarr në bord.

Sipas njoftimit të UK Maritime Trade Operations (UKMTO), flakët janë vënë nën kontroll dhe situata në anije është stabilizuar. Autoritetet po hetojnë rrethanat e incidentit. Raportohet se anija dhe të gjithë anëtarët e ekuipazhit janë të sigurt, ndërsa deri më tani nuk është raportuar ndonjë ndikim në mjedis.

Incidenti ndodhi pranë Ngushticës së Hormuzit, një prej rrugëve më strategjike detare në botë, ku gjatë muajve të fundit janë regjistruar disa incidente që kanë rritur shqetësimet për sigurinë e transportit detar. Autoritetet kanë nisur verifikimet për të përcaktuar origjinën e municionit dhe rrethanat në të cilat ai goditi anijen.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: