Tensione dhe përplasje janë regjistruar mbrëmjen e sotme pranë Komisariatit nr. 3 në Tiranë, ku janë mbledhur protestues pas shoqërimit të disa personave gjatë protestës.

Situata është tensionuar mes qytetarëve dhe forcave të policisë, ndërsa protestuesit kanë kërkuar informacion për personat e shoqëruar dhe kanë kundërshtuar veprimet e policisë.

Gjatë momenteve të tensionit, një qytetare është ndjerë keq. Në vendngjarje është kërkuar ndërhyrja për t’i dhënë ndihmën e nevojshme.

Zhvillimet vijnë pas përplasjeve të regjistruara më herët pranë Kryeministrisë, ku protesta e 94-të kundër qeverisë u shoqërua me tensione mes protestuesve dhe policisë.