Dakota Johnson tërhoqi vëmendjen në ceremoninë e MTV Video Music Awards, ku u shfaq me një fustan transparent me xixa, duke zgjedhur të mos vishte të brendshme.
Ceremonia u zhvillua të dielën, më 27 shtator, në Peacock Theater në Los Angeles. Aktorja 36-vjeçare ishte e pranishme për t’i dorëzuar mikes së saj, Taylor Swift, një prej çmimeve të mbrëmjes, konkretisht trofeun për regjinë artistike.
Johnson u shfaq në tapetin e kuq me një krijim në tonalitet nude, të zbukuruar me xixa, që i nxirrte në pah siluetën. Ajo e kompletoi pamjen me një gjerdan diamanti dhe sandale me taka të larta në të njëjtën ngjyrë.
Për look-un e saj, aktorja zgjodhi një grim të lehtë në tonalitete tokësore, ndërsa flokët i la të lirshëm dhe deri në nivelin e shpatullave. Paraqitja e saj u komentua gjerësisht në rrjetet sociale, duke e kthyer Johnson në një prej personazheve më të spikatura të tapetit të kuq të ceremonisë së këtij viti.
© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
