Kryetari i PD, Sali Berisha foli në Kuvend për letrën që dy kongresmenët republikanë, Joe Wilson dhe Keith Self i dërguan sekretarit të shtetit Marco Rubio. Berisha tha se kongresmenët kërkuan sanksionimin e Edi Ramës dhe Belinda Ballukut.

Duke iu drejtuar socialistëve, Berisha kërkoi prej tyre që të mos e mbrojnë kryeministrin dhe ish-zëvendësen e tij, Balluku e cila akuzohet nga SPAK, për korrupsion dhe pastrim parash.

Sali Berisha: Të dashur qytetarë dhe qytetare, një mbështetje e madhe vjen Kongresi i SHBA.
Dy kongresmenë ndër më të shquarit të atij vendi i dërgojnë një letër sekretarit Rubio.
Kongresmeni Joe Wilson, kryetar i Komisionit të Helsinkit në Kongresin amerikan dhe kongresmeni Keith Self.
Në këtë letër ata kërkojnë sanksionimin e Edi Ramës.
Ata kërkojnë sanksionimin e Lubi Ballukut.
E di si do shkoni ju pas Lubisë, njëri pas tjetrit.
E keni parasysh legjendën që kur i prekte zana, shndërroheshin në gurë. Ju do shndërroheni në të burgosur.
Ju u ka peng Lubia.
Pra, ju u ka prekur Lubia, të gjithë do jeni në burg si Lubia.
Mos e mbroni Padrinon, mos e mbroni një kriminel, një shpirt xhelat.