Partizani pritet që t’i luajë në stadiumin “Air Albania” ndeshjet si pritës në vazhdim. Ky është vendimi i fundit dhe sforco financiare që klubi i kuq po merr përsipër.

 

Vetëm 1 pikë regjistron Partizani në pesë javë të luajtura si pritës. Sa i përket transfertave janë fituar tre nga pesë në total. Fusha e Vorës nuk rezultoi me fat, ndërsa as ajo në Rrogozhinë nuk solli pikë. Kështu edhe ishin kthyer në makth për ekipin.

Stadiumi “Air Albania” projektohet kështu për sfidën Partizani-Vllaznia në javën e 12-të të Abissnet Superiore. Në vazhdim mbetet për t’u parë gjendja e fushës, pasi aty do të luajë pikërisht Kombëtarja dhe Kombëtarja U-21.

Stadiumi “Arena e Demave” mbetet në rikonstruksion. Të kuqtë ndërkohë kishin shumë kohë që nuk e përdornin “Air Albania”-n si pritës, me përjashtim të derbit ndaj Tiranës.