Gazetari dhe autori Halil Rama është nderuar me titullin “Qytetar Nderi i Dibrës”, në vlerësim të kontributit të tij në promovimin e historisë, traditave dhe vlerave të trevës së Dibrës.

Pas marrjes së këtij titulli, Rama ka mbledhur miq, bashkëpunëtorë, të njohur dhe bashkëqytetarë, me të cilët ka ndarë emocionet e këtij vlerësimi. Në fjalën e tij, ai falënderoi Këshillin Bashkiak të Dibrës për nderimin, duke vlerësuar rëndësinë e këtij vlerësimi për kontributin e tij ndër vite.

Në kuadër të aktivitetit u promovua edhe një libër i autorit Nexhmedin Basha, i cili përmbledh dhe pasqyron veprimtarinë e Halil Ramës, duke sjellë në vëmendje punën e tij si gazetar dhe autor.

Gjatë takimit, miqtë dhe bashkëpunëtorët ndanë vlerësimet e tyre për Ramën, duke vënë në pah tiparet njerëzore dhe profesionale që e kanë karakterizuar përgjatë viteve.

 

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb