Kohët e fundit Marco Verrati nuk po kalon një moment të mirë me kampionët e Francës, PSG. Në ndeshjen kundër Marsejë trajneri Unai Emeri vendosi ta zëvendësoj dhe gjatë këtij momenti italiani dukej tepër i tensionuar. Situatën e nxehu më shumë agjenti i lojtarit i cili pohoi se Verrati mund të largohej nga Parisi.
Me sytë nga dritarja ishin klubet Italiane si Interi dhe Juventusi të cilat janë mjaft të interesuara për shërbimet e lojtarit.
Ky ishte momenti i duhur që atë të ndërmerrnin hapa konkrete por do të ishte vetë lojtari ai që do ti s’mbrapste ata. Verrati sqaroi polemikat duke u shprehur se: “në atë moment nuk isha i nevrikosur me trajnerin por me veten time pasi nuk munda te jap maksimumin për ekipin. Mendoj se edhe agjenti im është gabuar me deklaratat e tij. Un nuk dua te largohem nga Parisi dhe këtë e dinë mirë të gjithë ata që unë punoj”.
Lojtari me këto deklarata shuan shpresat e ekipeve të interesuara për të. Interi dhe Juve kërkonin të përfitonin nga ky rast pasi do ta kenë të vështirë në rrugë të tjera duke ditur që vlera e lojtarit në treg llogaritet 60 milionë euro.
(e.k/BalkanWeb)
