Presidenti amerikan Donald Trump ka folur për mediat nga Shtëpia e Bardhë në lidhje me situatën me Iranin, duke komentuar edhe mundësinë e përdorimit të armëve bërthamore ndaj vendit të Lindjes së Mesme.

“Jo, nuk do ta bëja,” tha Trump.

“Pse do të më duhej? Pse do të bëhej një pyetje kaq idiote? Pse do të përdorja një armë bërthamore kur ne i shkatërruam plotësisht, në një mënyrë shumë bindëse? Një armë bërthamore nuk duhet të lejohet kurrë të përdoret nga askush”, u shpreh Trump.

Megjithatë, Trump e la në tryezë kërcënimin e forcës konvencionale, duke thënë se forcat amerikane mbeten “të armatosura”.

“Nuk kemi pasur kurrë kaq shumë municione – anijet tona janë të mbushura”, tha ai.