Alec Baldwin po nxjerr në shitje shtëpinë e tij luksoze në Hamptons për herë të katërt, për 19 milionë dollarë.
Për të ndihmuar me shitjen këtë herë ai po merr pjesë në një video promovuese 2-minutëshe në të cilën jep informacion përmes një rishikimi personal si të pronës ashtu edhe të lagjes Amagansett ku ajo ndodhet.
Aktori bleu pronën prej 10 hektarësh në vitin 1995 kur ishte i martuar me aktoren Kim Basinger. Fillimisht doli në treg në nëntor 2022 për 29 milionë dollarë.
“Unë u dashurova me këtë vend që në momentin që erdha këtu”, thotë Baldwin ndër të tjera në videon e publikuar nga kompania Saunders & Associates, ndërsa deklaron se është “i lumtur” që jeton këtu, veçanërisht në ” Dimrin e qetë dhe të bukur.”
Alec Baldwin Puts $19M Hamptons Home Back on Market with a New Video — and Another Multi-Million Dollar Price Cut! https://t.co/2FeIjpfr23
— People (@people) January 19, 2024
Rezidenca e shekullit të 18-të ka shtatë dhoma gjumi, nëntë banja, një dhomë ngrënie, kinema, dhomë degustimi të verës dhe një bibliotekë private me panele druri. Siç raporton People, hapësira masive e jashtme përfshin një belveder prej 58 metrash katrorë me një oxhak, një pishinë dhe banjë dhe një kopsht perimesh me mure.
“Unë e vendosa këtë shtesë në anën lindore të pronës në vitin 1996 dhe unë dhe gruaja ime Hilaria e ndërtuam këtë shtesë në anën perëndimore të pronës në vitin 2014,” shpjegon aktori në video, duke pëshpëritur se ” ky vend është më i miri.”
