Malajzia i tha të hënën Gjykatës Ndërkombëtare të Drejtësisë (ICJ) se qëllimi i Izraelit është “zhvendosja dhe eliminimi” përfundimtar i palestinezëve .
“Cilat janë detyrimet e një fuqie pushtuese dhe të një anëtari të Kombeve të Bashkuara që vazhdon, pa marrë parasysh të drejtën ndërkombëtare apo dinjitetin njerëzor, të pengojë, minojë dhe çmontojë pikërisht sistemet e ndërtuara për të ruajtur jetën dhe dinjitetin njerëzor në territorin e pushtuar palestinez?”, pyeti gjykatën ambasadorja malajziane, Azalina Othman Said, gjatë seancave publike dëgjimore mbi detyrimet e Izraelit në territorin e pushtuar palestinez.
“Në javët e fundit ne kemi qenë dëshmitarë jo vetëm të një lufte të përtërirë kundër popullsisë palestineze në Rripin e Gazës dhe Bregun Perëndimor, por edhe deklarata nga zyrtarë të lartë izraelitë që nuk lënë asnjë dyshim se qëllimi i Izraelit është të sjellë mohimin përfundimtar të së drejtës së popullit palestinez për vetëvendosje deri në zhvendosjen e tyre përfundimtare,” tha ajo dhe e e.
Ajo vuri në dukje se si Ministri Izraelit i Mbrojtjes Katz kohët e fundit lëshoi kërcënime kundër popullsisë civile të Gazës, duke theksuar se “kjo tregon qëllimin e Izraelit në terma të qartë”.
“Kërcënimi i popullatës civile të Gazës me shkatërrim nëse ata nuk e largojnë Hamasin dhe nuk i kthejnë pengjet, ky është një objektiv që edhe Izraeli me gjithë fuqinë e tij ushtarake nuk i është afruar as arritjes së vrasjeve dhe gjymtimit të pamëshirshëm për një vit e gjysmë”, shtoi ajo.
Seancat dëgjimore publike filluan të hënën në GJND në Hagë për të shqyrtuar detyrimet e Izraelit në lidhje me aktivitetet e tij në territorin e pushtuar palestinez.
Izraeli gjithashtu përballet me një çështje gjenocidi në Gjykatën Botërore për luftën e tij në Rripin e Gazës, ku më shumë se 52,000 njerëz janë vrarë që nga tetori 2023.
Gjykata Ndërkombëtare Penale lëshoi urdhra arresti nëntorin e kaluar për kryeministrin izraelit Benjamin Netanyahu dhe ish-ministrin e tij të Mbrojtjes Yoav Gallant për krime lufte dhe krime kundër njerëzimit në Gaza.
(A.A/BalkanWeb)
