Amber Heard ka ndarë me miqtë e saj në internet një foto të vajzës së saj. Aktorja ka postuar në Instagram një foto të Una Page, që nga muajt e parë të jetës së saj. Në foto ne shohim Heard duke ushqyer vajzën e saj me një shishe dhe ajo duke i buzëqeshur asaj.
Una Page – të cilës aktorja i vuri emrin e nënës së saj të ndjerë – lindi përmes një nëne surrogate në prill 2021, por Heard nuk e zbuloi këtë deri në korrik të atij viti.
Ashtu siç ishte shprehur edhe aktorja: “Jam shumë e emocionuar të ndaj këtë lajm me ju. Katër vjet më parë vendosa që doja të kisha një fëmijë. Doja ta bëja sipas kushteve të mia. Tani e vlerësoj se sa radikale është që ne si gra të mendojmë për një nga pjesët më themelore të fatit tonë në këtë mënyrë.
Shpresoj të arrijmë në një pikë ku është normale të mos duash një unazë për të pasur një fëmijë. Një pjesë e imja dëshiron të argumentojë se jeta ime private nuk është punë e askujt. Unë gjithashtu e kuptoj se natyra e punës sime kërkon që unë të kem kontroll mbi këtë çështje. Vajza ime ka lindur më 8 prill 2021. Ajo quhet Una Paige Hurd. Është fillimi i pjesës tjetër të jetës sime”, tha Heard.
