Trajneri i Real Madrid, Ancelotti merr një lajm të keq përpara ndeshjes së Champions League në mesjavë ndaj Napolit. Ancelotti nuk do mund të llogarisë dot në shërbimet e David Alaba për këtë takim, pasi mbrojtësi austriak nuk ia ka dalë dot të rikuperohet. Kështu, siç shihet, Alaba nuk është pjesë e të grumbulluarve për takimin që do luhet me 3 tetor.
Lojtari ka luajtur 7 ndeshje në La Liga këtë sezon, ku ka dhuruar edhe një asist. Në dy edicionet e kaluara me Los Blancos, Alaba ka kontribuar në mbi 50 ndeshje. Kujtojmë që 31-vjeçari u transferua nga Bayern Munchen në vitin 2020, pas një periudhe qëndrimi te kampionët e Gjermanisë për 10 vite.
Sa i takon lojtarëve që janë gati për Champions League në ndeshjen ndaj Napolit, mesfusha është mjaft e pasur me lojtarë si Bellingham apo Modric. Në sulm spikat Vinicius, i cili ka pak ditë që është rikuperuar.
Porta: Lunin, Kepa e Cañizares.
Mbrojtja: Carvajal, Nacho, Lucas V., Fran García, Rüdiger, Mendy e Carrillo.
Mesfusha: Bellingham, Kroos, Modrić , Camavinga, Valverde, Tchouameni e Ceballos.
Sulmi: Vini Jr., Rodrygo, Joselu e Brahim.
(J.S/BalkanWeb)
