TIRANË
Në fjalën e tij në parlament, kreu i grupit parlamentar të PS, Taulant Balla kërkoi nga opozita në parlament të votojë sot ligjin për azilin, si një ndër detyrat që shqipëria duhet të përmbushë ndaj BE-së. Ndër të tjera Balla, komentoi edhe programin e PD-së për zgjedhjet elektorale ndërsa theksoi me ironi se shanset e PD për të ardhur në pushtet, janë aq sa mundësi ka ekipi i “Belshit” të shpallet kampion i Shqipërisë në futboll.
“Më vjen mirë që opozita parlamentare po merr pjesë në këto zgjedhje për Kuvendin e Shqipërisë dhe që po vizitoni Shqipërinë në vende që nuk keni qenë më parë apo po shkoni për të kërkuar votën sikundër po e bën edhe partia nënë, ajo që ka ngelur nga PD dhe të paktën ju partitë e reja nuk po bënii gabimin më trashanik, që u coni nga një letër njerëzve dhe i pyet c’halle keni dhe pa marrë përgjigjet ka bërë edhe programin. Vetëm Lul Basha mund ta bëjë këtë, ai është fati ynë si kundërshtar por është fati i keq i Shqipërisë që nuk ka sot një parti politike në opozitë që të krijojë besim, lutem mos bëni gafat që bën Luli se nuk ka 700 liqene Belshi, do të kisha dashur shumë por nuk i ka. Sa i përket programit të Lulit dua t’ju them disa çështje.
E para, i them familjeve që janë në skemën e ndihmës ekonomike, Basha ka në plan ta heq ndihmën, ky plan nuk do të aplikohet kurrë sepse shanset që Lulzim Basha të marrë drejtimin e qeverisë janë të barabarta me shanset që ekipi i Belshit të shpallet kampion i Shqipërisë në futboll, por e vërteta është që mjafton ideja e këtyre sharlatanëve që në 2021 tentojnë të rikthejnë një politikë që avantazhin të pasurit dhe defavorizon të varfërit është një ogur i keq për opozitën. PS ditën që ka marrë drejtimin ka bërë atë që kishte nevojë Shqipëria. Biznesit të vogël i them është fakt që ata me xhiro nën 140 mln lekë të vjetra nuk paguajnë tatim fitimi dhe ata që janë nën 190 mln lekë nuk paguajnë TVSH .” u shpreh Balla.
(BalkanWeb)
