Grupi ultras i tifozëve të Ballkanit, “Xhebrailat” kanë reaguar në Facebook me një kërkesë për kryetarin e Komunës së tyre, Bali Muharremaj.
Ky grup ka kërkuar nga kryetari Muharremaj që dita e enjte e javës së ardhshme të jetë ditë pushimi për Komunën e Suharekës. Kjo për shkak së ndeshja e kthimit në mes të FC Ballkani dhe FC Shkupi pritet të luhet në Prishtinë të enjten e ardhshme, më 25 gusht.
“I nderuari Kryetari ynë i Komunës, z.Bali Muharremaj! Kërkojmë nga ju që data 25 gusht që i bie ditë e enjte, që në Komunën tonë të jetë ditë pushimi, për ta shijuar këtë datë historike të gjithë ne. Dhe ta ken mundësinë të gjithë të vinë në këtë ndeshje historike për qytetin tonë!”, – thuhet në këtë kërkesë të “Xhebrailave”.
Ballkani është shumë afër për të shkruar historinë, pasi mund të bëhet klubi i parë kosovar që do të garon në një grupet e Conference League. Kampionët e Kosovës fituan ndeshjen e parë në Shkup me rezultat 1-2, duke bërë kështu një hap të madh drejt kualifikimit.
(BalkanWeb)
