Barazimi kundër Udinese mund të shoqërohet me pasoja për Inter. Më saktë për trajnerin Antonio Conte. Tekniku zikaltër përballet me një pezullim të gjatë, për shkak të protestave të forta në drejtim të arbitrit të sfidës, Maresca.

Conte u ndëshkua me karton të kuq në pankinë, ndërsa bashkë me të edhe zëvendësi Oriali. Tashmë është Gjykata Sportive që do të japë një tjetër dënim disiplionor dhe sipas mediave italiane, trajneri i Interit do të pezullohet të paktën dy ndeshje.
(balkanweb)