Në një lidhje skype në “Open” në News24, kreu i bashkisë Shkodër Bardh Spahia foli mes të tjerash edhe për dy humbjet e jetës në ngjarjen në Malësinë e Madhe.
Ai u shpreh se ngjarja ka ndodhur pasi Përroi i Thatë ka vërshuar papritur dhe nuk u ka lënë atyre mundësi të reagojnë.
“Përcjell ngushëllimet familjarëve të dy viktimave të kësaj situate të krijuar nga rrebeshi në Malësinë e Madhe. Ngjarje tragjike që tronditi jo vetëm opinionin e Shkodrës por çdo shqiptar kudo ndodhet.
Ka qenë një vërshim i papritur i Përroit të Thatë, përrua i pabesë sepse ndryshon fuqinë e rrjedhës së tij ën mënyrë të papritur. Është i rrëmbyeshëm. Nuk i ka lënë kohë dy viktimave por e rëndësishme është që një nga pjesëtarët e asaj familjeje, vajza e viktimës ka shpëtuar dhe djali e babai fatkeqësisht humbën jetën.
Ka qenë punonjës i bashkisë së Shkodrës, mike dashamir i shumë shkodranëve”, tha ai.
(BalkanWeb)