TIRANË

Dy ngjarje të rënda janë shënuar në Tiranë. Policia njofton se një grua 81-vjeçare është rrëzuar nga shkallët e pallatit ku banonte në zonën “Ali Demi” dhe si pasojë ka ndërruar jetë.

Po ashtu, 28-vjeçari A. M., ka ndërruar jetë pasi ka rënë aksidentalisht nga lartësia e hotelit ku po qëndronte. Grupi hetimor po punon për sqarimin e rrethanave të ngjarjeve.

Njoftimi i Policisë:

Tiranë/Informacione paraprake

Në rrugën “Ali Demi”, dyshohet se aksidentalisht është rrëzuar nga shkallët të pallatit ku banon dhe për pasojë ka ndëruar jetë shtetasja S. B, 81 vjeçe.

Në bulevardin “Dëshmorët e Kombit”, dyshohet se ka rënë aksidentalisht nga lartësia e hotelit ku po qëndronte shtetasi A. M., 28 vjeç, i cili ka humbur jetën në spital.

Grupi hetimor po punon për sqarimin e rrethanave të ngjarjeve.