Të paktën 13 persona kanë vdekur dhe tre të tjerë janë zhdukur pasi një ciklon kaloi të premten në shtetin e Rio Grande do Sul në Brazilin jugor, njoftuan autoritetet të dielën.
Shirat e dendur dhe erërat e forta shkaktuan dëme në dhjetëra zona të këtij shteti, përfshirë kryeqytetin e tij, Porto Alegre.
“Numri i të vdekurve rritet në 13, përfshirë një foshnjë katër muajshe, pasi dy trupa u gjetën në qytetin Karaa, i cili është në një nga zonat më të prekura”, tha shërbimi i mbrojtjes civile të shtetit.
Nga ana tjetër, numri i personave të zhdukur u reduktua, nga 20 që ishin shpallur të shtunën në tre. Të gjithë ata janë banorë të qytetit bregdetar të Caraa, që ndodhet 90 kilometra nga Porto Alegre. Erërat e forta goditën brigjet e shtetit, kryesisht në qytetin Tramandai, ku sipas shifrave zyrtare u regjistruan erëra deri në 101 kilometra në orë.
Shtëpitë e rreth 5,000 banorëve u dëmtuan dhe dje rreth 84,000 njerëz ende nuk kishin energji elektrike. Rreth 800 u desh të evakuoheshin me helikopter.
Situação é dramática em várias cidades do litoral Norte do Rio Grande do Sul, por conta do ciclone que atinge a região Sul do Brasil. No vídeo, imagens da cidade de Santo Antônio da Patrulha. pic.twitter.com/hYWw9vNZrx
— Carla Ayres (@carlaayres) June 16, 2023
Guvernatori i shtetit, Eduardo Leyte, tha të shtunën se një foshnjë katër muajshe vdiq në Sao Sebastiao do Cai sepse nuk mund t’i jepej ndihma mjekësore në kohë.
“Objektivi ynë kryesor në këtë fazë është mbrojtja dhe shpëtimi i jetëve njerëzore”, theksoi Leyte.
Në São Leopoldo, një qytet me 240,000 banorë, ranë 246 milimetra shi në 18 orë, “një nivel i paprecedentë” në historinë e qytetit, tha kryetari i bashkisë së Porto Alegre, Ari José Vanaci.
Sekurang-kurangnya 12 maut di selatan Brazil, Rio Grande do Sul tatkala siklon tambahan tropika melanda rantau berkenaan sejak Jumaat.https://t.co/fvde6OAnnJ
— Buletin TV3 (@BuletinTV3) June 19, 2023
Në Karaa, ku situata mbetet alarmante, u krijua një qendër për pritjen e të prekurve.
Sipas Leita, zjarrfikësja ka dhënë tashmë ndihmë për 2400 persona në zona të ndryshme të prekura nga cikloni.
Shiu u ndal dje, por më shumë shi dhe temperatura të ulëta pritet të godasin rajonin nga mesi i javës, duke përkeqësuar potencialisht gjendjen e të prekurve. Stuhitë vdekjeprurëse kanë ndodhur në Brazil vitet e fundit, ku ekspertët nuk përjashtojnë mundësinë e lidhjes së tyre me ndryshimet klimatike. Efektet e tyre janë edhe më shkatërruese për shkak të urbanizimit të pakontrolluar.
Të paktën 65 persona humbën jetën në shkurt për shkak të përmbytjeve dhe rrëshqitjeve të dheut të shkaktuara nga shirat e rrëmbyeshëm në shtetin e Sao Paulos. Rreth 9.5 milionë nga 215 milionë banorët e Brazilit jetojnë në zona të rrezikuara nga përmbytjet dhe rrëshqitjet e dheut.
