Spanja nuk i ka shpëtuar prekjes nga qindra vatra zjarri këtë verë. Një nga zonat më të prekura nga flakët është qyteza Navalacruz, vend nga i cili ka prejardhjen portieri historik i Real Madrid Iker Casillas.

Ish-futbollisti ka publikuar në rrjete sociale foto nga operacionet për shuarjen e flakëve, ku dhe vetë ka qenë i angazhuar.

Hoy ha tocado hacer cortafuegos para prevenir el avance del fuego. Queda menos, seguimos 💪🏼#Navalacruz pic.twitter.com/pxmVnBLNYS

— Iker Casillas (@IkerCasillas) August 17, 2021

“Me forcë kundër flakëve, pa frikë për të ndihmuar dhe punuar së bashku!”, ka shkruar Casilla në rrjetet sociale.

Sipas raportimeve të deritanishme në Navalacruz janë djegur 15 ha tokë e bimësi, ndërsa Casillas është përgëzuar së tepërmi nga ndjekësit për angazhimin e tij në shuarjen e flakëve.