Revista satirike franceze “Charlie Hebdo” ka hedhur në treg botimin e saj të parë në gjermanisht.
Për numrin e parë ata kanë zgjedhur që në faqen e parë të kësaj reviste të jetë vendosur karikatura e kancelares gjermane Angela Merkel, me anë së cilës ironizojnë vendimin e saj për të kandiduar edhe për një mandat.

Revista në gjermanisht kushton 4 euro. Redaksia ka vendosur që të zgjerohet dhe për këtë ka zgjedhur Gjermaninë, pasi ky shtet ka treguar mbështetjen më të madhe për “Charlie Hebdo” pas sulmeve në janar të vitit 2015.

Në numrin e parë të botuar pas sulmit terrorist, janë shitur 70 mijë kopje në Gjermani. Numri i parë në gjermanisht ka një tirazh të madh prej 200 mijë kopjesh.

Në janar të vitit 2015 në zyrat e “Charlie Hebdo” në Paris u krye një sulm terrorist për shkak se kjo revistë kishte botuar një karikaturë me anë të së cilës tallte profetin Muhamed. Gjatë sulmit u vranë 8 gazetarë.

(d.d/BalkanWeb)