Shirat e mëdha dhe përmbytjet kanë detyruar mijëra njerëz të largohen nga shtëpitë e tyre në Mozambik pasi Cikloni Tropikal Eloise solli erëra të forta deri në 150 kilometra në orë (kph).
Eloise goditi provincën bregdetare Sofala të Mozambikut të shtunën në mëngjes.
Të dielën, Instituti Kombëtar i Mozambikut për Menaxhimin dhe Reduktimin e Rrezikut të Katastrofave (INGD) tha se hetimet kishin treguar që Eloise kishte zhvendosur 6,859 njerëz. Rrethi Buzi i rajonit ishte goditur veçanërisht më rëndë nga erërat e forta.
“Familjet kanë nevojë urgjente për furnizime thelbësore si ushqim, ujë, batanije dhe strehim,” tha Marcia Penicela, menaxhere e projektit në ActionAid Mozambik.
Eloise shkatërroi 136.755 hektarë tokë, shkatërroi nëntë shkolla, dëmtoi rreth 17 shkolla të tjera dhe 11 spitale.
Ai kishte shkatërruar plotësisht 1,069 shtëpi, pjesërisht 3,343 dhe përmbytur 1,500 të tjera, tha agjencia.
Pasi u dobësua dhe u degradua në një stuhi tropikale, Eloise u zhvendos në disa provinca të Limpopo, Mpumalanga dhe KwaZulu-Natal të Afrikës së Jugut.
“Deri më tani sasia më e lartë që kemi regjistruar është diku midis 115-128 mm reshje në Limpopo, veçanërisht në verilindje,” tha Agjensisë së lajmeve Puseletso Mofokeng, një parashikues i lartë në Shërbimin e Motit të Afrikës së Jugut.
Përmbytjet dhe erërat shkatërruan çatitë e shtëpive, rrëzuan pemët, dhe bllokuan rrugët në Limpopo dhe Mpumalanga
Në disa provinca pritet të bjerë rreth 100 mm shi tha Mofokeng.
Reshje të mëdha shiu u regjistruan gjithashtu në pjesët lindore dhe juglindore të Zimbabve të shtunën, duke mbushur shumicën e digave dhe duke përmbytur disa lumenj. Të paktën 3 njerëz u morën me vete kur u përpoqën të kalonin lumenjtë e përmbytur.
BalkanWeb
