Reshjet e dëborës që kanë përfshirë të gjithë qarkun e Dibrës kanë krijuar probleme të shumta, bllokimin e rrugëve rurale, mungesë energjie në disa njësi të qarkut të Dibrës.

Në zonat e thella lartësia e dëborës arrin në 60 cm si Lurë, Kalaja e Dodës, Arras, Trebisht dhe në disa fshatra të Njësisë Zerqan. Në zonat e ulëta arrin në 20 cm, reshjet në këto momente vazhdojnë me intensitet të lartë.

Shumë njësi në qarkun e Dibrës vazhdojnë të jenë të bllokuara nga reshjet e dëborës. Ata pak furgonë që kanë pasur të drejtë për të lëvizur për shkak të Covid-19 edhe ato janë të bllokuara nga bora. Në rrugën nacionale Milot-Peshkopi janë 8 borëpastruese që po punojnë për pastrimin e rrugës.