Policia e Durrësit ka dhënë detaje nga ngjarja e rëndë që ndodhi mbrëmjen e djeshme, ku një burrë pasi ka dhunuar gruan e tij, ka tentuar të vrasë veten.
Ngjarja ndodhi në lagjen nr.13. Burime për ‘BalkanWeb’ bënë me dije se pasi shtetasi me inicialet A.H., 50 vjeç, ka dhunuar gruan e tij, shtetasen me inicialet A.H, duke i shkaktuar asaj dëmtime, kjo e fundit ka humbur ndjenjat. I gjendur në këto kushte, 50-vjeçari ka tentuar të mbysë veten, por falë ndërhyrjes së fqinjëve, është bërë e mundur që ai të shpëtohej në kohë.
Aktualisht gruaja ndodhet në spital, nën kujdesin e mjekëve jashtë rrezikut për jetën. Materialet i kaluan Prokurorisë së Rrethit Gjyqësor Durrës për veprën penale “Dhuna në familje”
(ed.me/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
