VLORA

Katër persona janë arrestuar nga Policia në Vlorë e Sarandë, 3 prej të cilëve për dhunë në familje.
Saktësisht një 27- vjeçar në Vlorë ka dhunuar ish- bashkëjetuesen, një tjetër 50- vjeçar në Selenicë ka dhunuar xhaxhain, kurse 66- vjeçari në Sarandë ka dhunuar kushërirën.

Po ashtu tek ‘’Uji i Ftohtë’’ është kapur një drejtues motori pa leje drejtimi dhe u arrestua menjëherë nga Policia.

NJOFTIMI NGA POLICIA

Vlorë, Sarandë

Specialistët për Hetimin e Krimeve në Komisariatin e Policisë Vlorë dhe Sarandë, në vijim të punës për parandalimin e përshkallëzimit të dhunës në familje, kanë arrestuar në flagrancë tre shtetas, si dhe një tjetër nga qarkullimi rrugorë:

• L.Z., 27 vjeç, banues në Vlorë, pasi në lagjen “Pavarsia”, Vlorë, dyshohet se ka ushtruar dhunë fizike dhe psikologjike ndaj ish-bashkëjetueses së tij, për motive të dobëta.

• F. C., 50 vjeç, banues në fshatin Picar, Selenicë, pasi dyshohet se ka ushtruar dhunë fizike dhe psikologjike ndaj xhaxhait të tij, për motive të dobëta.

• F. L., 66 vjeç, banues në Sarandë, pasi dyshohet se ka ushtruar dhunë fizike ndaj kurshurirës së tij, për motive të dobëta.

• A. Gj., 23 vjeç, banues në Vlorë, pasi u kap në lagjen “Ujë i Ftohtë” Vlorë, duke drejtuar motorrin pa leje drejtimi përkatës.

Materialet iu referuan Prokurorisë për veprime të mëtejshme

(BalkanWeb)