Në Universitetin “Luarasi” po mbahet një simpozium shkencor me temë: “Drejtësia midis traditës dhe modernitetit: nga Kanuni tek AI”, duke mbledhur akademikë dhe ekspertë të fushës së drejtësisë për të diskutuar sfidat e reja që sjell zhvillimi teknologjik.
Në aktivitet mori pjesë edhe Dekania e Fakultetit të Drejtësisë në Universitetin e Tiranës, Dorina Hoxha, e cila vlerësoi bashkëpunimin mes institucioneve dhe përzgjedhjen e temës si shumë aktuale dhe sfiduese.
“Si dekane e Fakultetit të Drejtësisë në Universitetin e Tiranës, është kënaqësi bashkëpunimi me Universitetin ‘Luarasi’. E përgëzoj dekanin dhe rektorin për temën aktuale që keni zgjedhur. U bëra ‘xheloze’. Keni zgjedhur një temë sfiduese,” u shpreh ajo.
Hoxha theksoi se sistemi i drejtësisë ka kaluar një rrugëtim të gjatë nga normat tradicionale si Kanuni, deri te zhvillimet moderne që ndikohen nga teknologjia dhe inteligjenca artificiale.
Sipas saj, juristi i së ardhmes duhet të jetë i përgatitur jo vetëm për sfidat tradicionale të së drejtës, por edhe për realitetin e ri të krijuar nga teknologjitë moderne, përfshirë inteligjencën artificiale.
“Në cilësinë e Dekanes së fakultetit të Drejtësisë në Universitetin e Tiranës, është kënaqësi bashkëpunimi me Luarasin. E përgëzon dekanin dhe rektorin për temën aktuale që keni zgjedhur. U bëra xheloze. Keni zgjedhur një temë sfiduese. Ka qenë një lidhje e ngushtë kanuni me zhvillimin njerëzor. Shoqëritë kanë ndërtuar format e tyre të organizimit, duke reflektuar traditat e kohës. Jemi përballë një realiteti ndryshe. Zhvillimi teknologjik dhe IA po ndryshon dhe shoqërisë. Çështje që dukeshin si pjesë e të ardhmes, janë pjesë e përditshmërisë sonë. Kjo situatë kërkon jo vetëm përshtatje ligjore por dhe reflektim institucional. Tema e këtij aktivitet është e rëndësishme. Juristi i të ardhmes duhet të përballet dhe me sfidat. Shpresoj që ky aktivitet të nxisë zhvillime të reja.”, tha ajo.
