DURRËS

Të tjera detaje bëhen me dije për kokainën e kapur sot në Durrës në një kontejner me babanë. Gazetarja Klodjana Haxhiaj raportoi për “BalkanWeb” nga terminali i trageteve dhe kontejnerëve, se një sasi e dyshuar si kokainë është kapur në Portin e Durrësit, ndërsa policia ka shoqëruar dy persona.

“Kontejneri me banane për llogari të kompanisë Alba Exotic Fruit, ndërsa janë gjetur 14 pako të dyshuara me kokainë. Sipas burimeve, kontejneri është mbajtur nën vëzhgim nga policia dhe ditën e sotme kur ka shkuar personi për të tërhequr kontejnerin është bërë dhe ndalimi i tij. Aktualisht po zbrazet sasia e bananeve.

Nuk dihet ende sa është sasia totale e drogës. Në 2021 një sasi rekord kokaine është kapur në autoritetet e portit të Durrësit dhe në Kosovë. Kanë qenë 400 kg në një fabrikë në Pejë që janë kapur, të cilat kishin kaluar në Portin e Durrësit”, raportoi gazetarja Haxhiaj.