Dy persona janë vrarë, 10 janë plagosur dhe një familje prej tre anëtarësh besohet të jetë bllokuar nën rrënoja pas sulmeve raketore ruse gjatë natës në rajonin Donetsk të Ukrainës lindore, thanë sot zyrtarët ukrainas.
Zyrtarët e mëhershëm thanë se një person u vra pasi gjashtë raketa goditën tre vendbanimet Pakrovsk, Novorodivka dhe Mirnokhrad. Pasdite, ekipet e shpëtimit gjetën një trup të dytë nga rrënojat, sipas policisë ukrainase.
Së pari në një përditësim mbi bombardimet në fshatrat në #Donetsk, një tjetër trup është zbuluar në rrënoja në #Novohrodivka. Viktima ishte një 55-vjeçar.
Një familje prej 3 anëtarësh mendohet se është ende në rrënoja, përfshirë dhe vajzën 8-vjeçare.
Policia tha në aplikacionin Telegram se një grua 33-vjeçare, një burrë 38-vjeçar dhe një vajzë tetë-vjeçare mund të jenë mes rrënojave të një ndërtese apartamentesh në Novorodivka.
Ministri i Brendshëm Ihor Klimenko tha më herët se 10 persona, përfshirë katër fëmijë u plagosën dhe shtoi se nëntë shtëpi private, një stacion policie, makina dhe garazhe u dëmtuan. Reuters nuk mund të verifikojë detajet.
Më herët ushtria ukrainase tha se forcat e saj të mbrojtjes ajrore rrëzuan 14 nga 20 dronët e lëshuar gjatë një sulmi rus gjatë natës.
