Një ngjarje e pazakontë është regjistruar në Athinë, ku një fëmijë 3-vjeçar u dërgua me urgjencë në një spital pediatrik pasi kishte gëlltitur një brisk rroje.
Sipas raportimeve, menjëherë pas mbërritjes në spital, vogëlushi iu nënshtrua një grafie, e cila konfirmoi praninë e briskut në stomak. Mjekët arritën të përcaktonin me saktësi vendndodhjen e objektit, duke bërë të mundur ndërhyrjen kirurgjikale.
Kirurgët realizuan operacionin për heqjen e briskut në mënyrë të sigurt dhe pa komplikacione.
Fatmirësisht, ndërhyrja përfundoi me sukses dhe 3-vjeçari ndodhet në gjendje të mirë shëndetësore.
© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
