Një ngjarje e rëndë është shënuar në qytetin e Shkodrës ku burri ka vrarë bashkëshorten.
Raportohet se ngjarja e rëndë ka ndodhur në Unazën Lindore të qytetit, në lagjen “Mark Lula”, rreth orës 13:30.

Pas ngjarjes autori është arrestuar nga policia po ashtu është sekuestruar edhe arma e krimit.

Shkodër / Informacion paraprak

Rreth orës 13:30, në lagjen “Mark Lula”, dyshohet se për motive të dobëta, shtetasi Sh. Z., 62 vjeç, ka vrarë me armë zjarri, bashkëshorten e tij, shtetasen B. Z., rreth 55 vjeçe.

Shërbimet e Policisë kanë shkuar menjëherë në vendngjarje dhe kanë kapur autorin e dyshuar, shtetasin Sh. Z., i cili u shoqërua në Komisariat, për kryerjen e veprimeve procedurale.
Gjithashtu, shërbimet e Policisë kanë sekuestruar armën e zjarrit me të cilën dyshohet se është kryer krimi.

Grupi hetimor, në drejtimin e Prokurorisë, vijon veprimet për zbardhjen dhe dokumentimin e plotë të rrethanave të ngjarjes.