Elbasani ka hyrë në javën e ndeshjes me Vorën me një tjetër objektiv në horizont. Pas periudhës së gjatë të ndërprerjes dhe punës së bërë me skuadrën, verdheblutë nuk duan që rikthimi në kampionat të mbetet thjesht një ndeshje e radhës. Synimi është më i qartë: të nisin një cikël fitoresh dhe ta kthejnë vazhdimësinë në një nga armët kryesore të skuadrës. Verdheblutë e kanë të qartë se një rezultat pozitiv ndaj Vorës mund të shërbejë si pikënisje për një periudhë më të qëndrueshme. Pas javëve të para ku skuadra ka dhënë sinjale të mira, por nuk ka arritur gjithmonë të marrë maksimumin, tashmë kërkohet një tjetër hap. Tri pikët duhet të shoqërohen me rezultate të tjera pozitive në vazhdim, në mënyrë që Elbasani të nisë ngjitjen në renditje.
GRUPI I PLOTË – Një prej elementëve që i jep optimizëm stafi t teknik është fakti se grupi duket më i plotë se në fi llimin e sezonit. Problemet fi zike të disa futbollistëve janë lënë pas, ndërsa periudha e pushimit u shfrytëzua edhe për t’u dhënë minuta atyre që kishin pasur më pak hapësira. Miqësoret ndaj Sopotit dhe Strugës ishin një mundësi e mirë për të parë në fushë futbollistë që kishin nevojë për ritëm. Minutat e marra në këto takime kanë bërë që konkurrenca brenda grupit të rritet dhe trajneri Gvozdenoviç të ketë më shumë alternativa për ndeshjet zyrtare. Kjo është një pikë që mund të bëjë diferencën në një kampionat të gjatë. Një skuadër nuk mund të mbështetet vetëm te 11 futbollistë dhe Elbasani tashmë kërkon që çdo lojtar të jetë gati për të dhënë kontributin e tij.
HARMONIZIMI – Me kalimin e javëve, skuadra ka fituar edhe më shumë harmoni. Futbollistët kanë pasur më shumë kohë për të kuptuar njëri-tjetrin dhe për të përshtatur lëvizjet në fushë me idetë e stafi t teknik. Kjo është veçanërisht e rëndësishme për një grup që ka kaluar ndryshime dhe që tashmë kërkon të funksionojë si një trup i vetëm. Në këtë fazë të sezonit, nuk mjafton vetëm cilësia individuale. Elbasani kërkon që lojtarët të kenë më shumë automatizma dhe të reagojnë si skuadër në momentet vendimtare. Dy miqësoret e fundit i kanë dhënë Gvozdenoviçit mundësinë të testojë këto elemente, por tani vjen momenti që ato të shfaqen në një ndeshje ku çdo gabim dhe çdo pikë kanë peshë.
VORA SI PIKËNISJE – Përballja me Vorën shihet si një pikënisje për atë që Elbasani kërkon të ndërtojë në javët e ardhshme. Verdheblutë do të zbresin në “Elbasan Arena” me objektivin për të marrë tri pikët dhe për t’i dhënë skuadrës një shtysë të re. Por rëndësia e kësaj ndeshjeje nuk lidhet vetëm me rezultatin e së shtunës. Ajo që kërkohet është që fi torja të pasohet nga të tjera. Vetëm kështu Elbasani mund të krijojë një seri dhe të nisë të ngjitet gradualisht në renditje. Në këtë pikë të sezonit, vazhdimësia është fjala kyçe. Një skuadër që synon të afrohet me zonat e sipërme duhet të dijë të fi tojë disa ndeshje radhazi dhe të mos lejojë që rezultatet pozitive të mbeten të shkëputura. Elbasani e di se rruga është ende e gjatë, por momenti kërkon që skuadra të nisë të ndërtojë një ritëm të ri. Objektivi është që fi torja ndaj Vorës të jetë fi llimi i një serie dhe jo një episod i izoluar. Verdheblutë kërkojnë vazhdimësi, ritëm dhe një ngjitje të qëndrueshme në javët që vijnë.
