Katër anëtarë të një familjeje myslimane u vranë në një sulm të një automjeti “të paramenduar” të dielën, tha policia kanadeze.

Sulmi ndodhi në provincën e Ontarios. Një djalë i moshës nëntë vjeç, i mbijetuari i vetëm i familjes, është në spital me dëmtime serioze. Një 20-vjeçar kanadez është akuzuar për katër akuza të vrasjes dhe një akuzë për vrasje në tentativë.

Sulmi ishte ndër më të këqinjtë kundër myslimanëve kanadezë, që kur gjashtë njerëz u vranë në një xhami të Quebec City në 2017. “Besohet se këto viktima ishin në shënjestër sepse ishin myslimanë” tha Det Supt Paul Uaight në një konferencë shtypi të hënën.

Policia po shikon akuzat e mundshme për terrorizëm, tha ai, duke shtuar se besohet se është një krim i urrejtjes.

Cilat janë detajet?

Viktimat ishin dy gra – të moshës 74 dhe 44 vjeçe – një burrë 46 vjeç dhe një vajzë 15 vjeçe. Një djalë nëntë vjeç ishte në spital me plagë të rënda, por jo të rrezikshme për jetën, tha policia.

Policia e quajti agresorin e pretenduar si Nathanial Veltman, 20 vjeç, nga Londra, Ontario. Ai u arrestua pa incidente në një qendër tregtare rreth 6 km (4.8 milje) nga vendi i krimit. Nuk dihet ende nëse i dyshuari ka lidhje me ndonjë grup urrejtjeje ndaj myslimanëve në shtetin kanadez. Policia tha se Veltman nuk kishte dënime të mëparshme.

(Balkanweb)