Kryetarja e LSI-së Monika Kryemadhi ka ende mbresa nga takimi i djeshëm me gjimnazistët e Fierit. Në një postim në “Facebook”, Kryemadhi i cilëson këta të rinj fantastikë dhe thotë se ata kanë zgjedhur të qëndrojnë këtu dhe ta transformojnë Shqipërinë.
Sipas Kryemadhit, 25 prilli do të jetë dita e gjykimit për të çmontuar pseudoreformat dhe shkatërrimin që i është bërë arsimit.
“Fantastikë gjimnazistët e Fierit, këta të rinj që me pjekurinë e tyre kanë zgjedhur të qëndrojnë këtu, ta transformojnë Shqipërinë, ta bëjnë atë shtëpinë tonë të përbashkët.
Më 25 Prill rinia e Fierit dhe Shqipërisë do të votojë për një të ardhme më të mirë. Do të jetë dita e gjykimit për të çmontuar pseudoreformat dhe shkatërrimin që i është bërë arsimit nga dyshja Rama-Shahini dhe për të ndërtuar një sistem të ri ku ofrohet edukim cilësor, ku respektohet mësuesi, ku garantohet punësimi dhe i shërbehet zhvillimit të vendit. ???”, shkruan Kryemadhi.
