Martin Scorsese ka ngjallur shumë interes me filmin e tij të ri “Killers of the Flower Moon” dhe do të marrë Ariun e Artë për kontributin e tij në kinema në Festivalin e Filmit në Berlin më 20 shkurt.
Ky është çmimi më i rëndësishëm i dhënë në Festivalin vjetor Ndërkombëtar të Filmit në Berlin. Drejtorët e Festivalit të Filmit në Berlin, Carlo Satrian dhe Mariete Rischenbeck theksuan se regjisori, skenaristi dhe producenti amerikan është “një model i patejkalueshëm” për “këdo që e sheh kinemanë si artin e formësimit të një historie në një mënyrë të tillë që është në të njëjtën kohë krejtësisht personale dhe globale”.
“Filmat e tij shoqëruan historinë tonë si shikues dhe qenie njerëzore, personazhet e tij jetuan dhe u zhvilluan brenda nesh, këndvështrimi i tij për historinë dhe njerëzimin na ndihmuan të kuptojmë se kush jemi dhe nga vijmë”, theksoi z.Satrian.
Scorsese ka një histori të gjatë me Festivalin e Filmit në Berlin, duke përfshirë shfaqjen e filmit të koncertit të Rolling Stones të vitit 2008, Shine a Light, i cili hapi perden e festivalit atë vit. Nisma e tij për restaurimin dhe shpërndarjen e filmit, The Film Foundation, ka ofruar gjithashtu botime të restauruara të disa titujve për seksionin Klasik të Berlinales.
Marrëdhënia e Scorsese me Berlinale filloi në vitin 1981, kur filmi i tij Raging Bull u shfaq në Festival. Filmi i tij “Cape Fear” ishte në seksionin konkurrues të Festivalit në 1991 dhe 2003 dhe përsëri në 2010 si pjesë homazh u shfaq filmi i tij “Gangs Of New York”.
Premiera botërore e regjisorit u prezantua gjithashtu nga Deutsche Kinemathek në gjysmën e parë të 2013-ës dhe ‘Argumenti 50-vjeçar’, me regji të Martin Scorsese dhe David Tedeschi u prezantua si një vepër në zhvillim në vitin 2014.
