BRATISLAVË– Kryeministri i Sllovakisë, Robert Fico deklaroi sot se ruajtja e kufijve të jashtëm të BE-së është çështje jete a vdekje për këtë union.
”Mbyllja e kufijve mes njëri-tjetrit e vendeve të cilat janë pjesë e Schengenit do të ketë pasoja ekonomike dhe politike. Mbyllja e kufijve në kontekstin e çështjes politike është një paralajmërim simbolik. Por kjo mund të jetë edhe shkak për shkatërrimin e Bashkimit Europian”, deklaroi Fico.
Edhe më parë kryeministri sllovak ka bërë deklarata të forta në lidhje me këtë temë.
Para pak kohësh ai tha se 2016-ta do të jetë viti vendimtar për Bashkimin Europian.
”Ose do të zgjidhet problemi i refugjatëve ose përndryshe ky vit do të jetë fundi për këtë union”, tha Fico.
(el.sp/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
