TIRANË

Një aksident i rëndë, por fatmirësisht pa pasoja për jetën, është shënuar mëngjesin e sotëm në kryeqytet. Sic duket në fotot që LSA ka dërguar për ‘BalkanWeb’, një makinë është përmbysur duke përfunduar në anë të rrugës, në afërsi të Kopshtit Botanik.

Menjëherë në vendin e ngjarjes kanë mbërritur forca të policisë si edhe autoambulanca. Nuk dihen ende rrethanat e këtij aksidenti, por paraprakisht dyshohet se shpejtësia e lagështia në rrugë të jenë shkak i tij, por do të jenë hetimet e grupit hetimor në vendngjarje që do të hedhin dritë mbi këtë ngjarje.

(BalkanWeb)