Policia dhe ushtria ‘zbarkojnë’ në zyrat operative të Albcontrol, duke marrë shkas nga greva e kontrollorëve.
Gazetarja Dorjana Bezat raporton për ‘BalkanWeb’ se Policia e Shtetit ka dërguar në aeroportin e Rinasit, 2 grupe të FNSH-së, ndërsa në patrullim është dhe policia ushtarake.
Sipas Bezat, prezenca e policisë dhe ushtrisë bëhet për efekt sigurie, pasi Albcontroll është institucion i sigurisë së lartë. Me grevën e 65 kontrollorëve të Albcontrol është pezulluar puna në aeroport, duke ndërprerë kështu fluturimet hyrëse dhe dalëse në aeroportin e vetëm ndërkombëtar që ka vendi ynë.
Bezat ka siguruar po ashtu edhe foto nga vendi i ngjarjes, ku shihet edhe një furgon i policisë.