TIRANË

Presidenti i vendit, Ilir Meta në Ditën Ndërkombëtare të Solidaritetit Njerëzor ka shkruar në rrjetin social “Facebook” duke risjell në vëmendje veprat e Shenjtores, Nënë Tereza.

Kreu i shtetit mes tjerash shprehet se është koha për të qenë pranë njerëzve në nevojë, veçanërisht fëmijëve dhe të sëmurëve për t’u dhënë shpresë dhe besim të shtuar.

“Sot në Ditën Ndërkombëtare të Solidaritetit Njerëzor, ne kujtojmë porositë e Shenjtores Nënë Tereza, simbolit shqiptar e botëror të humanizmit e solidaritetit, për të qenë pranë pranë njëri-tjetrit, në ditë të mira e në ditë të vështira, në dhimbje dhe në gëzime, pranë kujtdo që ka nevojë për ndihmë e përkujdesje, veçanërisht në krah të fëmijëve e të rinjve, të vetmuarve, njerëzve në nevojë dhe të sëmurëve, për t’u dhënë shpresë dhe besim”, shkruan Meta.

(n.m/BalkanWeb)