Ajo puth një tjetër, ai nuk humb kohë. Pas zërave, të cilat u mohuan nga të dy, për një lidhje mes Stefano de Martino dhe Alessia Marcuzzi, në oborrin e ish balerinit vjen një tjetër femër.
Mbiemri i saj është Rodriguez, por nuk është Belen, që është fotografuar teksa puthte sipërmarrësin Gianmaria Antinolfi. Bëhet fjalë për Mariana Rodriguez me të cilën Stefano ka kaluar fundjavën sic tregojnë fotot e publikuara këtë të mërkurë nga e përjavshmja Chi.
Në pamjet ekskluzive të revistës, De Martino shfaqet në shoqërinë e bukuroshes Rodriguez, në Napoli. Mariana, edhe ajo singel, pas fundit të historisë së dashurisë me Simone Sussinna, pjesëmarrës në ishullin e të Famshmëve, e njeh prej kohësh Stefanon. Të dy kanë kaluar të gjithë fundjavën bashkë në një jaht.