Ajo që do të shihni në vijim janë fotografitë e realizuara nga Alastair Philip Wiper, në Opko – një port në Korenë e Jugut që prezantojnë ndërtimin e anijes më të madhe në botë, të quajtur Maersk Triple E. Kompania Maersk, në vitin 2011, ka porositur nga Daewoo Shipping ndërtimin e 20 anijeve të tilla transportuese për një shumë prej 3.8 miliardë dollarësh. Anija wTriple E” vjen me gjatësi prej 400 metrash, ndërkaq gjerësia e saj është 59 metra. Ajo është vetëm 3 metra më e gjatë dhe rreth 4 metra më e gjerë sesa paraardhësja e saj, e njohur me kodin “E class”.
Një ndryshim kaq i vogël duket i parëndësishëm, mirëpo kur ia shtojmë kësaj shpjegimin se kjo anije e ka formën e shkronjës U dhe jo të asaj V, siç e kishte paraardhësja e saj, atëherë nënkuptohet se sasia që mund të bartë ajo është shumë më e madhe në fakt, 2500 TEU kontinjerë më shumë se sa E class. Përmasat e kësaj anije janë tëpër të mëdha për të kaluar nëpër Kanalin e Suezit, mirëpo ndër të tjera ajo do të shërbejë për transportin e mallrave nga ky kanal drejt Evropës dhe Azisë.
Kompania daneze Maersk ka paralajmëruar përdorimin e këtyre anijeve sidomos për eksporte kineze, që së fundi janë shtuar tejmase. Tregu më i madh i kësaj kompanie janë kompanitë tregtare në Evropë dhe Azi ndërsa zotëron rreth 100 anije që shfrytëzohen vetëm për këtë linjë të transportit tregtar.
(BalkanWeb)
