TIRANE- Për të tretën ditë radhazi FRPD dhe LRI po zhvillojnë një protestë para Ministrisë së Brendshme, ku prej kohësh ministri Xhafaj është në shënjestër të akuzave.
Mësohet se të rinjtë nisën protestën rreth orës 18:00 poshtë zyrës së Xhafajt, duke i kërkuar sërish dorëheqjen.
Në mënyrë simbolike të rinjtë vendosën përpara ministrisë një ekspozite me “meme” të bëra nga të rinj të pa angazhuar politikisht, foto që qarkullojnë në rrjete të ndryshme sociale.
“Kuksianet janë ende ne burg’, ‘Tahiri i lirë e Xhafa ministër’. ‘Për 3 mijë lekë faturë energjie të pa paguar kryefamiljarët janë shtyrë drejt vetëvrasjes ndërsa Fatmir Xhafa është ministër dhe pse ka fshehur nga drejtësia të vëllain të dënuar për trafik droge, edhe perse ai është subjekt i ligjit Antimafia për shkak të dënimit me 7 vite burg për trafik droge në Itali të vëllait të tij”, këto kanë qenë disa nga “meme”-t e përdorura.
Pak kohë më parë PD publikoi një audio-përgjim që implikonte vëllain e ministrit Xhafajt, Agron Xhafaj, ku ky i fundit pretendohet se flet më trafikantë droge. Kaq mjaftoi që prej kohësh të Xhafajt të vihej në shënjestër të sulmeve, pasi akuzohet se ai mbronte vëllain e tij.
(ed.me/BalkanWeb)