Kukësi dhuroi një paraqitje pozitive në aventurën europiane, arritën të kalonin një tur, u eliminuan nga Ëolfsburg por vërtetuan se janë një ekip solid. Kapitulli europë tashmë është i arkivuar dhe në shtëpinë e Kukësit kanë nisur të bëjnë llogaritë për sezonin e ri pasi gjërat kanë ndryshuar shumë nga sfida e fundit me ekipin gjerman.
I pari i cili vendosi të largohej ishte Edurat Rroca një nga elementët më të rëndësishëm në ekipin e Skënder Gegës. Të zëvendësosh një fantazist si Rroca nuk do të jetë aspak e lehtë. Pas një aventurë të gjatë me ekipin verilindorë nga Kukësi u largua edhe kapiteni Besar Musolli, të dy lojtarët ishin titullarë në sytë e Gegës.
Me përfundimin e aventurës europiane, Kukësi duhet të ulet në tavolinë me dy titullarë të tjerë për të gjetur një akord të ri pasi Obanor dhe Maliqi i ka përfunduar kontrata.
Në të njëjtën situatë ishte dhe Bruno Lulaj por klubi verilindorë me anë të një postimi në faqen zyrtare konfirmoi se ka gjetur akordin me mbrojtësin për rinovimin e kontratës edhe për dy sezone të tjera.
(BalkanWeb)