Pas ngordhjes së 3 pelikanëve kaçurrelë të cilët rezultuan të prekur nga gripi i shpendëve, ka vijuar monitorimi nga autoritetet në zonën e Prespës së Vogël në kufi me Greqinë.

Gazetarja Lorena Kodra tha për BalkanWeb se tashmë punonjësit e ADZM Korçë kanë njoftuar se po monitorojnë në terren ne dron për të bërë të mundur një panoramë sa më të qartë për identifikimin e rasteve te pelikanëve te prekur nga gripi i shpendëve.

Aktualisht sipas burimeve nga ky institucion nuk janë konstatuar raste të reja, ndërkohë që e gjithë zona është futur në ‘karantinë’.

(BalkanWeb)