Grupi palestinez Hamas me bazë në Gaza thotë se kishte planifikuar të lironte edhe dy pengje të tjera për arsye humanitare, por pala izraelite e refuzoi ofertën.

“Mbrëmë i kemi njoftuar vëllezërit nga Katari se do të lirojmë Nurit Ishak dhe Yohevid Efshitz për arsye humanitare, pa asnjë kusht. Megjithatë, qeveria e okupimit e hodhi poshtë këtë propozim”, njoftoi grupi në një deklaratë.

Hamasi ka njoftuar se numri i izraelitëve që janë kapur gjatë Operacionit Al-Aksa Storm, i cili filloi më 7 tetor, është rreth 250.

Të premten në mbrëmje, qeveria izraelite konfirmoi lirimin e dy shtetasve amerikanë nga robëria në Rripin e Gazës.

Hamasi gjithashtu ka theksuar se refuzimi i Izraelit për të pranuar dy robër tregon se nuk është serioz në lidhje me “ndalimin e gjakderdhjes” në Gaza.

“Për shkak të kushteve të rënda humanitare, ne vendosëm t’ua dorëzojmë familjeve të tyre, përmes vëllezërve tanë në Katar. Kështu i kemi informuar mbrëmë. Ne nuk donim asgjë në këmbim”, tha zëdhënësi i Hamasit, Khaled al-Qaddoumi.

“Fatkeqësisht, qeveria e Izraelit refuzoi t’i marrë dhe kjo është dëshmi se kjo qeveri pushtuese nuk është serioze dhe nuk është e gatshme të ndalojë gjakderdhjen,” shtoi ai.

Operacioni Al-Aksa Storm i grupeve të rezistencës palestineze rezultoi gjithashtu në vdekjen e të paktën 1,400 forcave izraelite dhe kolonëve të paligjshëm dhe plagosi më shumë se 4,800 të tjerë.

Regjimi izraelit është përgjigjur duke e futur Gazën nën një fushatë të pamëshirshme gjakderdhjeje dhe shkatërrimi që deri më tani ka marrë jetën e të paktën 4,300 njerëzve, kryesisht civilë.