Kryeministri Edi Rama ka sqaruar qytetarët po protestojnë për rritjen e çmimit të naftës, ndërsa shtoi se shqetësimi i tij primar është për produktet e shportës.
Ndaj sipas Ramës qeveria ka vendosur të ndihmojë shtresën në nevojë. Ai tha më tej se shpreson se kjo që ka ndodhur të mos jetë Lufta e III Botërore, sepse pasojat do të ishin tejet të rënda për të gjithë.
“Me faktet nuk luftohen, janë ato që janë mbi individin dhe biznesin e vogël. Jemi i vendi i vetëm në Rajon me zero taksë për biznesin e vogël. Kemi kontributet shoqërore dhe shëndetësore më të ulëtat në Rajonin tonë dhe Evropë. Pse po i them këto? I them se nëse heqim edhe taksën e naftës me çfarë do i financojmë ato që duhet? Pse nuk mbyllim shkollat, hajde të mbyllim shkollat, spitalet, kush do të vdesë do të vdesë. Sipas atyre që bëjnë protesta ata që vdesin nga lufta nuk janë njerëz. Edhe një dhimbje të vogël koke ne nuk mund ta hamë. Po të heqim edhe policinë fare dhe të gjitha këto i çojmë që këta të kenë karburant, naftë për makinat e tyre që bllokojnë rrugët. Problemi ynë është shporta, buka, se për bukë asnjë shqiptar nuk rezulton i vdekur që në kohën e Skënderbeut. Por po themi ushqimin bazë që për një pjesë është kërcënuar të reduktohet si pasojë e rritjes së çmimeve. Ajo rritje çmimesh që e bën pensionistin, të verbrin, apo që bën të shqetësohen jo një numër i vogël, por një numër prej gjysmë milioni shqiptarësh të mos kenë këtë shqetësim. Pra ajo të kompensohet. Sa u rrit çmimi i ushqimeve të shportës të kompensohet me para në dorë. A po 300 mijë lekë? Po këtë ta thonë ata që e marrin, e jo ju që rrini në kafe. Ta thonë ata që kanë nevojë për këto para, është apo jo i nevojshëm.
Ai 300 mijë lekshi bën që të mos mungojë buka, e thënë në mënyrën më brutale. Në këtë situatë të mos mungojë buka e të mos shkojë njeri i uritur në shtrat, për ta bërë fare copë. Ata flasin në emër të popullit dhe s’e kanë idenë se çfarë bëhet. Ka propozime që pse se bën pagën minimale 512 mijë lekë. Nëse do të bëhej kaq shpejt kjo, pse se bëjnë vendet e tjera, përfshirë edhe Serbinë që është më i avancuar se të tjerët, përfshirë edhe Malin e Zi. Pse Italia apo Greqia që e kanë pagën minimale pak më shumë se kaq se e thua ti pse se bëjnë pagën minimale 1500 euro. Nëse ne e bëjmë këtë, për 2 muaj e tre muaj nuk dalin një grusht njerëzish, por gjysmë milioni njerëz në protesta, dalin edhe pensionistët. Cili është ai kryeministër në botë sot, që do të kishte pritur kaq gjatë dhe s’do e kishte bërë nëse bëhej kaq thjeshtë. Është absolutisht e pa besueshme që të bëhen llogaritë kaq thjeshtë dhe që pastaj të thuhen me kaq lehtësi e të kesh bindjen që po thua zgjidhjen për popullin. Lufta s’ka ardhur këtu me bomba dhe tanke, shpresojmë të mos jetë Lufta e III kjo sepse do e shihni se çfarë do të mungojë. Lufta vjen për të na marrë të gjithëve, e jo për të na sjellë. Duhet të mos merret esencialja e atyre që kanë më pak”, u shpreh Rama.
(BalkanWeb)
