Diplomati i karrierës Besnik Mustafaj, i ftuar në emisionin Kjo Javë në News24, ka komentuar investigimin që ka zhvilluar RAI3 në Itali.
Mustafaj theksoi se emisioni i RAI3 ishte emisioni më kritik në 30 vjet demokraci ndaj një qeverie shqiptare. Ai shtoi se Edi Rama spekullon, kur thotë se reagon, ‘për të mbrojtur imazhin e Shqipërisë’.
“Edi Rama spekullon, kur thotë se kujdeset për imazhin e Shqipërisë. RAI3 foli për abuzime qeveritare. Emisioni ka qenë më i rëndi e më kritiku ndaj një qeverie shqiptare në 30 vjet. Ka një mobilizim të mediave italiane për të thënë të vërtetën. Edi Rama spekullon kur thotë se po hidhet baltë mbi Shqipërinë. Shqipëria tashmë është një vend i hapur e demokratik dhe e vërteta mund të thuhet. Rama ka përdorur të huajt, me pagesa etj. Reportazhi do të ketë ndikimin e vet edhe në mbështetjen e politikës së jashtme italiane.
Nuk e kuptoj pse Edi Rama i qan hallin Melonit. Del Rama dhe merr rolin e kavalierit, duke mbrojtur dinjitetin e Melonit. Meloni nuk ka folur fare për reportazhin. Reportazhi është shpërndarë dhe në anglisht nga RAI3. Rama duhet t’i përgjigjet interpelancës së opozitës për këtë çështje”, deklaroi Mustafaj.
(Balkanweb)
